Նախագծի պատմությունը

«Clean Games» ծնվել են 2014 թվականին, երբ Դմիտրի Իոֆֆեն իր ընկերների հետ Վուոկսա լճով արշավի է գնացել: Հանգիստը գրեթե խափանվել էր կղզիներից մեկում գտնվող աղբի կույտերի պատճառով, ինչից հետո թիմը թափոններ հավաքելու որսորդություն-մրցույթ է բացել: 2 ամիս անց «Վազող քաղաքի» և դրա տնօրեն Իգոր Գոլիշևի աջակցությամբ կայացան առաջին Մաքուր Խաղերը։

2014-2015՝ զարգացումը Ռուսաստանի տարածաշրջաններում

Նախագծի խաղային ձևաչափը արդեն իսկ 2 ամիս անց գրավեց ակտիվիստներին Տորժոկից, Կրասնոդարից և Տվերից։ Նախագիծը դարձավ «Բնապահպանական ֆրանշիզա», իսկ տարածաշրջաններում ձևավորվել է կազմակերպիչների համայնքը։ Մեթոդիկան տարածվում է անվճար՝ ոչ առևտրային համաձայնագիր կնքելուց հետո։

Ամեն տարի նոր մասնակից քաղաքների թիվը կրկնապատկվել է: Արագ զարգացումը հնարավոր է դարձել շնորհիվ եզակի ձևաչափի, թիմի ներգրավվածության, պետության աջակցության և դրա կողմից ճանաչման, ինչպես նաև 2017 թվականին հայտարարված Էկոլոգիայի տարվա՝ այդ ժամանակ Դմիտրի ԻոՖֆեն դարձավ Ռուսաստանի Կամավոր մրցանակի դափնեկիր:

2018-2019՝ միջազգային զարգացում

2018 թվականին՝ Կամավորության տարում Ռուսաստանում նախագծի ծանոթներից մեկը, ով ապրում է Հնդկաստանում, իր աշակերտների համար խաղ անցկացրեց, այդպես անսպասելիորեն նախագիծը դարձավ միջազգային: Այնուհետև Մաքուր խաղերը անցկացվեցին երկու մայրցամաքներում՝ 15 երկրներում։ 2019 թվականին կայացան առաջին համառուսական և միջազգային մրցաշարերը, Բալթիկ ծովի Մաքրության Գավաթը, որոնք դարձան ամենամյա։

2018 թվականին նախագիծը դարձավ «Տարվա լավագույն էկո-կամավորական նախագիծ» և «Տարվա լավագույն բնապահպանական նախագիծ»։ 2019 թվականին «Clean Games» ներկայացվեցին Խաղաղության Փարիզյան II համաժողովին, արժանացան «Կլիմայական զարգացման առաջատար» և «Բնապահպանության ոլորտում սոցիալական ձեռներեցության լավագույն նախագիծ» մրցանակներին։

2020-2021՝ նոր մարտահրավերներ և հաղթանակներ

2020 թվականին COVID-19 համավարակի պատճառով «Clean Games» ստիպված էին նոր ձևաչափեր մշակել։ «Աղբի դեմ պայքարողների մրցանակ» միայնակ մաքրման ակցիան դարձավ լրատվամիջոցներով ամենաշատ լուսաբանվածը Clean Games պատմության մեջ: Իսկ սովորական խաղերն անցնում էին ապակենտրոնացված անվտանգ ձևաչափով։

Առաջին Միջմայրցամաքային Գավաթը միավորեց Ռուսաստանի և ԱՄՆ-ի 20 քաղաքներ։

Մենք դարձանք Մաքուր Բալթիկա Կոալիցիայի անդամ։ Համագործակցելով դրա հետ՝ մենք անցկացրեցինք Բալթիկ ծովի Մաքրության երկրորդ և երրորդ Գավաթները՝ 3 անգամ ավելացնելով մասնակիցների թիվը Ռուսաստան-Բելառուս միութենական պետությունների սահմաններից դուրս։

2021 թվականին մենք դարձանք համաշխարհային կայունության աշխարհի ամենանշանակալից մրցանակի՝ Energy Globe Award-ի միջազգային եզրափակիչ փուլի մասնակիցնե՛ր և ազգային հաղթողնե՛ր: Պարգևատրությունը տեղի ունեցավ Գլազգոյում՝ կլիմայի փոփոխության հարցերով ՄԱԿ-ի 26-րդ համաժողովի շրջանակներում (COP26):

2014՝ Առաջին Մաքուր Խաղը

2022՝ Մենք հասել ենք նախաքովիդային մակարդակին և նույնիսկ գերազանցե՛լ ենք այն։

Մաքուր Խաղերի պրակտիկան տարածվել է 3 նոր երկրներում՝ այժմ Մաքուր Խաղերն անցկացվում են 28 երկրներում, և դրա հետ միասին մենք հաղթահարեցինք Մաքուր Խաղերի ողջ պատմության մեջ 100,000 մասնակիցների և 3,000 տոննա հավաքված աղբի սահմանագիծը:

Այս տարի մենք անցկացրեցինք մեր առաջին մրցույթը ամբողջ Ռուսաստանից էկոակտիվիստների համար՝ «Կայուն մաքրություն»։

Մենք անցկացրեցինք Մաքրության երկրորդ Արկտիկական գավաթը, որն ավանդական է դարձել՝ դրան միացան ռուսական Արկտիկայի բոլոր 9 շրջանները։